MISUGOD na sa iyang bag-ong position si Niño Mike D. Torrevillas isip Cebu Inspector sa International Transport Workers Federation o ITF, nga maoy buhatan nga dangpan sa mga Seafarers nga dunay problema sa ilang panarbaho.
Si Torrevillas, kinsa kanhi administration director sa Associated Labor Unions-Central Visayas (ALU-CVR), mipasalig nga abli ang iyang buhatan 24/7 alang sa mga seafarers sa Visayas ug Mindanao.
Karong adlawa sab gihimo ang blessing ug inauguration sa ITF Cebu Inspector office nga naa gyud sa ground floor sa JSU-PSU Mariners Court Cebu sa Pier 1, Cebu City.
Si Rev. Fr.Isaias Jr. Honoridez Gerali gikan sa Cebu Metropolitan Cathedral mao ang nangulo sa blessings inabagan sa special sakristan Andrew Pamolarco ug gitambongan mismo ni Torrevillas, iyang pamilya ug mga empleyado sa ALU-CVR, JSU-PSU Mariners Court Cebu ug DYLA.
Congratulations, Niño! Mabuhay ang mga Seafarers ug ang ITF!
