Si Police Captain Elstone Dabon Jr., 25 anyos, mao ang gitudlo nga hulip ni Police Major Ildefonso Miranda Jr. kinsa gidakop tungod sa pagpagawasgawas og 2 ka female prisoners.
Miabot dayon sa Argao si DDabon.
Sigon sa post ni P/Senior Master Sergeant Vivian Tamayo, si Dabon nakigtagbo dayon nilang mga sakop sa Argao Police Station.
“Welcome to our new Officer-In-Charge in Argao, Police Captain Elstone Dabon Jr., the youngest PNPA 25 yrs old from Mandaue City,”sigon ni Tamayo sa fb post.
Sa social media, trending kaayo si Dabon kinsa gihulagway sa mga netizens nga gwapong hepe.
Dunay nanghinaut nga molampos si Dabon sa dakong tahas, apan daghan ang nihatag og bili sa iyang kaambongan.
May miingon nga gustong magpapriso kay aron ilang mahimamat si Dabon.
Pero sa iyang fb account, mibutang si Dabon sa iyang status nga “in a relationship.”
Sigon sa mga nakaila ni Dabon, gwapa sab kaayo ang iyang uyab.
Gikan sa pamilya sa mga politiko sa Mandaue City, anak siya ni Former Mandaue City Councilor Elstone Dabon Sr.
