Ang iyang pagkapili gihimo nunot sa gihimong eleksiyon dungan sa paglingkod sa mga bag-ong sakop sa Board of Directors sa MCWD kagahapong adlawa (Lunes).
Ang columnist nga si Atty. Frank Malilong mao usab ang napili nga Vice-Chairperson sa board sa MCWD ug si Miguelito Pato isip Secretary.
Ang tulo nga polos tinudlo ni Cebu City Mayor Edgar Labella nanumpa sa katungdanan kagahapon atubangan sa mayor.
Ang kalihukan gihimo human nga giaprobahan sa Local Water Utilities Admnistration (LWUA) ang ilang appointment.
Ang laing duha nga gitudlo ni Labella nga sila si kanhi Cebu City mayor Alvin Garcia ug si Manolette Dinsay, wa pa maaprobahi sa LWUA.
Nasayran nga gipalagpot ni Mayor Labella ang mga kanhi sakop sa Board nga sagad tinudlo ni kanhi Mayor Tomas Osmena.
Ang hinungdan, sigon ni Labella, tungod sa giingong mga kakuwangan ug kapalpakan sa kanhi mga sakop sa board sa pagsulbad sa suliran sa tubig sa Metro Cebu. (report ni Nestle Semilla)
