Si Mr. Alan Carvajal, Presidente sa Cebu Tours and Travel Alliance (CTTA) midasig sa mga travelers nga mosalmot sa umaabot nga 9th Cebu Travel Catalogue International (CTCI) 2025 karong Pebrero 14 ngadto sa 16, 2025 sa Ayala Center Cebu.

Ang tema sa CTCI 2025 mao ang “Travel Beyond Limits.”

Kapin sa 100 ka booths o mga participants ang nagpalista na nga moapil sa Cebu Travel Catalogue International 2025.

Apil sa mga participants mao ang Philippine Airlines, Turkish Airlines, Qatar Airways, ug Cathay Pacific. Naa sab ang mga major hotels, resorts, ug mga adventure destinations sama sa Cebu Safari Adventure Park, El Mart Resort, Jpark Island Resort Alona, Nustar Hotel Cebu, ug daghan pa.
Kauban sa CTTA sa pagpahigayon sa CTCI 2025 mao ang RCBC Credit Cards ug Philippine Airlines.