Giila ang biktima nga si Emma Cubillan, kinsa namatay tungod sa suffocation ug nasunog ang tibuok lawas niini.
Samtang ang iyahang bana nga si Angelito nakaangkon og first degree burns sa kalawasan.
Sa pakighinabi sa dyLA, matod ni FO2 Fulbert Navarro, ang investigator sa Cebu City Fire Department, nga atol sa pag-ulbo sa sunog niingon ang mga silingan nga nakagawas na ang asawa apan aduna kini gibalikan sa ilang panimalay ug didto na-trap.
Matod ni Navarro nga gisuwayan og luwas sa bana apan nahulog kini sa hagdanan maoy hinungdan nga nakaangkon si Angelito og first degree burns sa iyang wala nga nawong, dughan ug sa bukton.
Giisa ngadto sa 2nd alarm ang alarma sa sunog diin upat ka balay ang apektado ug gibanabana nga moabot ngadto sa P4.8 million ang danyos.
Photo from Cebu City Fire Office