Ang mga opisyal sa Anjo World Theme Park (AWTP) sa Minglanilla, Cebu mipahibawo karong adlawa sa laing attraction human naapektuhan sa COVID-19 pandemic ug sa bagyong Odette.

Kini mao ang FUNTASTIC ARENA nga opisyal nga gibuksan karong adlawa atol sa 3rd anniversary sa Anjo World.

Mao kini ang bag-ong attraction sulod sa Anjo World, dugang sa naandan nga ‘outdoor rides’.

Ang Funtastic Arena maisip nga family arcade diin ang pamilya lakip sa mga bata maka-enjoy sa mga indoor games, rides and activities.

Duna usay food stall nga maka-order og pagkaon ug mainom.

Sa opening karong hapon, diha si Talisay City Mayor Samsam Gullas, Minglanilla Councilor JR dela Calzada, Boardmember Red Duterte ug mga opisyal sa Anjo World.

Si Cedric Reyes, head of Sales, Marketing and Press Relations, miingon nga gusto nilang duna kanunay’ng bag-ong talan-awon nga makita ang publiko sa theme park, labi.pa karon nga namalik na ang mga tawo sa pagsuroy human gilibkas ang mga restrictions tungod sa pandemic.

“We are happy that Anjo World survived the pandemic. Today is very special because we ate opening a new attraction,”sigon ni Reyes atol sa press conference.

Mitambong sab ang mga tag-iya sa theme park pinangulohan ni Josiefe A. Lim, CEO sa Belmont Group of Companies ug iyang anak nga si Chester A. Lim, kinsa Presidente sa AWTP.