ALU TUCP NAGBANGUTAN SA KAMATAYON NI RET. JUDGE GERARDO GESTOPA UG SA ASAWA

Sa wa pa mahimong huwis si kanhi Municipal Trial Court Judge Gerardo Gestopa, duol na sa iyang dughan ang mga mamumuo.

Una siya’ng nagtrabaho isip usa sa mga abogado sa Associated Labor Unions – Central Visayas Region (ALU-CVR). Bisan ang iyang asawa, nakatrabaho usab sa ALU-CVR kaniadto.

Nasayran nga si Gestopa ug ang asawa nga si Louella namatay sa sunog nga miigo sa ilang panimalay sa barangay Centro sa Mandaue niadtong Lunes sa kaadlawon. Buot unta nilang luwason ang ilang apo, apan na-trap na sila ug wa makagawas sa ilang balay.

Si Atty. Nora Analyn Demeterio-Diego, ALU CVR regional vice-president, mipadangat sa iyang pahasubo ngadto sa pamilya sa retiradong huwis.

“Our deepest sympathy and condolences on the untimely demise of our dear friend and former legal counsel of ALU CVR, the late Judge Gerardo Gestopa & his spouse who both died early dawn in an attempt to rescue their special grandchild when their house was gutted by fire. May their souls rest in peace,” sigon ni Atty. Diego.