Ang Associated Labor Unions (ALU) National Executive Vice President Gerard Seno miingon nga mapasalamaton sab ang mga mamumuo kang Labor Secretary Silvestre Bello III sa pagtapos dayon sa isyu kon ihatag ba o dili ang 13th month pay taliwa sa coronavirus pandemic.
“The working people are happy and thankful to Labor Secretary Silvestre Bello for breaking the 13th month pay payment deadlock by its decision today to heed their appeal to disallow the deferment of payment and give exemptions to the payment of 13th month pay of empkoyees this year,”sigon ni Seno sa usa ka pamahayag.
Gipahibawo ni Bello karong adlawa nga ang DOLE dili motugot nga ilangay, iuswag o may exemption sa paghatag sa 13th month pay. Kinahanglan gyod kining ihatag sa mga kompaniya atol o sa di pa ang December 24 nga maoy nalatid sa balaod.
Matod ni Seno nga daghan kaayong naguol nga mga trabahante human madungog ang taho pipila ka adlaw ang milabay nga mahimong i-defer o di gyud ihatag ang 13th month pay sa mga depressed companies nga apiktado sa COVID-19 pandemic.
“This is definitely a good news to millions of employees who were demoralized these past two weeks upon knowing that their 13th month pay payment might be deferred or altogether scrapped,” dugang ni Seno.
Sa iyang bahin, gidayeg ni Trade Union Congress of the Philippines (TUCP) President ug TUCP Party-list Rep. Raymond Mendoza si Trade Secretary Ramon Lopez sa pagpaluyo sa desisyon sa DOLE.
Ang DTI mipasalig nga motabang sa mga problemadong kompaniya nga makabayad sa 13th month pay pinaagi sa pag-facilitate nga maka-loan sa ubos kaayong interest.
“Kahit paano may pangtulong pambili ng pang-noche buena ang mga manggagawa at kanilang pamilya ngayong pasko,”matod ni Mendoza.
Ang ALU ug TUCP miingon nga nakatabang nga masulbad ang isyu pinaagi sa tripartite dialogue process discussion nga gipasiugdahan ni Bello uban sa labor groups ug mga employers.
“This positive development proves that social dialogue between labor, business and government particularly on important issues involving these key sectors really works,” pasabot ni Seno.
