Ang ECC miila sa mga work-from-home diseases ug injuries nga mahimong compensable o mabayran alang sa mga empleyado sa pribadong sektor ug gobiyerno kinsa mga sakop sa Social Security System (SSS) ug Government Service Insurance System (GSIS).
Ubos sa Board Resolution No. 21-03-09 nga gimugna niadtong Marso 11, 2021, ang disability ug kamatayon gumikan sa nahiagumang mga samad o injuries mahimong compensable ubos sa ECP (Employees’ Compensation Program), basta dunay sinuwat nga kamandoan sa iyang employer nga nag-require kaniya sa work-from-home arrangement o ubos sa unsa man nga tahas nga gihatag sa iyang employer diha sa iyang gipuy-an.
Niadtong miaging buwan, ang ECC mpagawas sab og resolution nga miisip sa COVID-19 nga usa usab ka compensable disease human sa pagduso sa daghang mga labor unions ug global union federations.
Matod ni Gerard Seno, ALU National Executive Vice President, nga husto ug dalaygon kaayo ang gihimo sa ECC atol niining panahon sa pandemya nga ilang gitabangan ang mga trabahador nga mahimong masakit ug masamdan samtang naa sa ilang balay nagtrabaho.
“The ECC made the right step during these extraordinary times in extending support to workers who might get sick or injured while working at home. This is a good measure of protection for the growing SSS and GSIS members who are vulnerably working at home to keep business and economy afloat while keeping their source of income for their families amid the adversities of the pandemic health and economic crises,” matod ni Seno.
Dugang ni Seno nga kining maong lakang makapalig-on sa morale sa mga trabahante ug mahimong makadasig pa nila kini pagtrabaho bisan niining lisod nga panahon diin nabutang sa risgo ang ilang kinabuhi tungod sa hulga sa coronavirus.
