Ang Associated Labor Unions (ALU) miingon nga nakadawat sila og reklamo sa mga trabahante nga sila gi-require gyod nga mosalmot sa company-sponsored vaccination activities kay kon dili, did-an na sila sa pagbalik sa trabaho.
“Other business owners instructed their supervisors and managers to deem reluctant employees as unfit for work,” sigon sa ALU sa usa ka pamahayag.
Ang ubang mga trabahante giingnan pa nga kinahanglang mopakita og certification pagpamatuod nga nabakunahan na sila sa dili pa sila tugtan nga mobalik sa trabaho.
Matod sa ALU nga ang ubang mga trabahante gihulga pa nga ibalhin sa laing branch kon dili moapil sa pagpamakuna nga gipasiugdahan sa ilang kompaniya.
“There were employees who were told that they would be put on furlough or floating status until they are injected with the vaccine,” dugang sa ALU.
Sigon ni Trade Secretary Ramon Lopez nga ang mga empleyado angayang pasagdan sa ilang desisyon kon magpabakuna ba sila og dili.
Gipasabot ni Lopez nga ang mahimo sa kompaniya mao ang pagpasabot sa ilang mga empleyado sa kamahinungdanon sa pagpabakuna, apan dili gyod mahimong pugson.
“Before pandemic, employees have the option themselves to be vaccinated with flu vaccine or any other vaccine. This should not change even with COVID-19,” pagklaro ni Lopez.
Sigon ni ALU National Executive Vice-President Gerard Seno nga ang gobiyerno angayang mohimo dayon og lakang pagsanta niining dili maayong polisiya.
Gihulagway ni Seno nga discriminatory ug coercive ang mandatory vaccination sa mga trabahoan.
“This mandatory workplace policy is a form of coercion and discrimination, which violates the right of workers to freely decide and chose for themselves, particularly with regards to their health and well-being,” matod ni Seno.
Gidugang sab ni Seno nga ang ALU miduso sa pagpamakuna sa mga trabahante ug sa pag-una sa mga essential workers gamit ang luwas ug epektibo nga bakun a.
Apan iyang giklaro nga kadtong dili mosugot nga magpabakuna angayan sab nga tahuron.
(Contributed photo)
