Tungod niini, ang Associated Labor Unions (ALU) nanawagan sa Department of Agriculture (DA) ug Department of Trade and Industry (DTI) nga palig-onon ang ilang pagregulate sa presyo sa mga nag-unang palaliton aron mapanalipdan ang mga trabahador, labi pa ang mga nagdawat lang og minimum nga sweldo, gikan sa naghinobrang kamahal sa mga palaliton.
“The combined government agencies had already identified the gaps and problematic layers giving rise to these runaway prices of basic food commodities, the DA and the DTI now have to step up their price regulation mandate and level up their enforcement to further improve the protection of consumers, particularly against profiteers, supply hoarders and middlemen victimizing retailers and ordinary people,” sigon ni ALU national executive vice president Gerard Seno sa usa ka pamahayag.
Ang mga basic ug prime commodities nga nagkamahal mao ang mga utanon, bugas, livestock meat ug poultry products, lakip sa cooking fuel liquified petroleum product (LPG) nga gipamaligya sa mga public markets, grocery stores ug supermarkets.
Matod ni Seno nga nabantayan ang pagmahal sa presyo pipila ka semana sa wa pa ang Pasko, bisan pa sa 60-day price freeze nga gipatuman sa multi-government agency task forces gikan sa November ngadto sa Jan. 17.
Matod sa ALU nga ang DA ug DTI angayang maninguha nga mapabarato kini og balik ngadto sa makiangayon nga presyo sa labing dali nga panahon.
Gisugyot ni Seno nga mo-isyu ang maong mga ahensiya og mga show-cause orders ug notices of violations ngadto sa mga malapason sa Price Act aron mahunong ang pagpaburot sa ginansiya sa manufacturing, distribution ug supply ngadto sa retail levels.
“The two agencies must move beyond mere token market inspections and other media photo-ops in groceries and supermarkets, and improve consumer protection by issuing show-cause orders and notices of violations to erring businesses who raise prices right under their noses,” dugang ni Seno.
