Matod ni Gerard Seno, ang National Executive Vice-President sa labing dakong kahugpongan sa mga mamumuo sa nasod Associated Labor Unions (ALU), ang panawagan sa pagtahod sa “right to disconnect” misibaw labi pa karon atol sa COVID-19 pandemic.
Matod ni Seno, nga ang mga trabahante nga dili motubag sa tawag sa opisina human sa office hours angayang dili silutan.
“Heightened by a rigorous flexible work arrangements in coping with the COVID-19 pandemic, there’s a growing clamor among working people in government and in private enterprises urging employers to respect their right to disconnect from work-connected communications after working hours without being punished for it, ”matod ni Seno.
Dugang ni Seno, ang dili pagtubag sa tawag o unsang mensahe sa kompaniya human sa oras tingtrabaho, dili gyod angayang isipong misconduct.
“Employees who chose to disconnect after work hours should not be treated as a misconduct or a disobedience. It should not be a basis for demotion, disciplinary action or termination,” pasabot ni Seno.
Matod sa United Network International (UNI), usa ka global union federation alang sa skills ug service sectors nga dunay 20 milyones ka sakop sa 150 ka nasod, ang right to disconnect mao ang katungod sa mga trabahante nga moputol gyod sa ilang work duties ug di modawat og mga work-related electronic mails, calls, or messages gawas sa naandam nga working hours.
Sigon sa UNI, ang mga trabahante nga padayon nga modugtong sa ilang trabaho bisan human na ilang duty, dunay negatibo nga epekto sa ilang pamglawas ug mental health.
Mahimong maghatag kini og anxiety, burnout ug depression, matod sa UNI.
“The respect to right to disconnect extends to the respect to workers’ periods of rest, leave and holidays as well as to their personal and family privacy,” pagklaro ni Seno.
Ang Department of Labor and Employment (DOLE) ug Civil Service Commission (CSC) wala pa’y guidelines nga maoy sundon sa mga kompaniya kalabot niini.
