9TH CEBU TRAVEL CATALOGUE INTERNATIONAL 2025 KARONG FEBRUARY 14-16 SALMUTAN SA KAPIN 100 KA EXHIBITORS

GIDASIG sa kadagkuan sa Cebu Tours and Travel Alliance (CTTA) ang mga travelers nga mosalmot sa umaabot nga 9th Cebu Travel Catalogue International (CTCI) 2025 karong Pebrero 14 ngadto sa 16, 2025 sa Ayala Center Cebu.

Si Mr. Alan Carvajal, CTTA President, miingon nga tumong sa kalihukan mao ang pagdugtong sa katawhan nga mahiligon sa pagbyahe.

Ang tema sa CTCI 2025 mao ang “Travel Beyond Limits.”

Kapin sa 100 ka booths o mga participants ang nagpalista na nga moapil sa Cebu Travel Catalogue International 2025.

Apil sa mga participants mao ang Philippine Airlines, Turkish Airlines, Qatar Airways, ug Cathay Pacific. Naa sab ang mga major hotels, resorts, ug mga adventure destinations sama sa Cebu Safari Adventure Park, El Mart Resort, Jpark Island Resort Alona, Nustar Hotel Cebu, ug daghan pa.

Kauban sa CTTA sa pagpahigayon sa CTCI 2025 mao ang RCBC Credit Cards ug Philippine Airlines.

Si Ma. Angela Mirasol, FVP and Head of Marketing and Corporate Communications sa RCBC Credit Cards, miingon nga dakong dungog nila nga mahimong partner sa CTTA alang sa CTCI 2025 diin ang ilang mga cardholders adunay kasayon sa ilang pagbyahe labi pa sa pagbayad sa ilang mga transactions.

Ang RCBC Credit cards mipasalig sa paspas nga processing ug secure nga mga transactions. Ang mga cardholders makadawat og mga welcome gifts sama sa Powermac gift certificates, American Tourister luggage or Tumi bags.

Atol unya sa CTCI event, ang RCBC Credit Cards mobukas alang sa mga merchants nga gustong ma-accredit sa pagdawat og Credit ug debit card payments.

“We are introducing Tap-to-Phone, an innovative feature that allows merchants to use their Android smartphones as terminals for accepting card payments,”sigon ni Mirasol.

Si Carvajal sa pikas bahin mapasalamaton sa tanang mipaluyo sa CTCI 2025 atol sa press conference karong hapon sa City Sports Club.

Samtang si Angelita “Baby” Dy, CTTA Vice-president ug CTCI Chairperson, mipasalig nga adunay mga “best packages” nga i-offer alang sa mga inbound ug kadtong outbound travelers o kadtong moadto sa gawas sa nasod.

Matod ni Dy daghang mga Travel agencies, travel insurance companies, airlines, resorts ug ubang tourism destinations ang moapil.

Ang Presidente sa Cebu Alliance of Tour Operations Specialists o CATOS nga si Alice Queblatin mihisgot sa papel sa Cebu sa pagdugtong sa mga travelers ngadto sa lainlaing tourism destinations sulod man o gawas sa nasod.

Si Queblatin, usa sa mga nitambong sa press conference, niingon nga importante nga suportahan bisan ang out bound Travel kay sila sab ang mag-agni sa International tourists pag-anhi sa atong dapit.