Ang labing uwahing biktima mao ang asawa sa pasyente nga unang nataptan sa coronavirus.
Si Health Secretary Francisco Duque III mikompirnar usab nga may local transmission na sa COVID 19 sa nasod pinaagi niadtong ika-5 nga kaso kinsa way history of travel sa nasod nga may coronavirus. Ang gipasabot ni Duque mao kadtong 62-anyos nga pasyente kinsa adunay severe pneumonia.
Kining ika-5 ug ika-6 nga pasyente polos anaa sa state-run Research Institute for Tropical Medicine (RITM) sa Alabang, Muntinlupa City.
Ang code red alert, sigon ni Duque, nagpasabot nga ang tanang hospital personnel kinahanglang moreport sa ilang duty.
“The DOH confirms that the previously reported 5th case of COVID-19 as the first case of local transmission in the country after verification with BI, showed that patient had no recent travel history,” matod ni Duque sa press briefing karong adlawa.
Samtang ang ika-6 nga kaso o ang asawa sa ika-5 nga pasyente nahibaw-an nga may coronavirus human sa contact tracing.
Ang 59-anyos nga babaye kinsa anaa sa RITM naa sa stable condition apan may ubo.
Ang iyang bana nga maoy gidiklarar nga unang kaso sa local transmission, wa makabyahe sa gawas sa nasod. Apan pirmi kini sa Muslim prayer hall sa San Juan City.
Ang bana, unang naadmit sa hospital March 1 tungod sa severe pneumonia, may hypertension ug diabetes usab.