Sa maong buybust operation, nadakpan sab ang duha ka gikatahapang high value individuals (HVI) sa illegal drug trade nga sila si Reynaldo Si-it Atillo, 47 anyos ug Reynante Cabije Tacatani, 36 anyos, sa Fatima Homes, Inayawan.
Unang nakuhaan si Atillo og usa ka kilong shabu samtang ang kapin sa 5 ka kilo nakuha gikan kang Tacatani.
Matod sa kapolisan nga ang shabu nga nakuha dunay gibanabana nga P45,000,000 ang kantidad basi sa Dangerous Drugs Board estimate.
Matod ni PRO-7 director Brigadier General Albert Ignatius Ferro nga basi sa imbestigasyon, si Tacatani ang gikatahong main disposer sa usa ka supplier sa ginadiling drugas nga giila sa ngalan nga “Jao”.
Dugang ni Ferro nga si Jao kinsa inmate karon sa Cebu City jail giingon usab nga iladong “ring leader” sa mga ilegal nga kalihukan dinhi sa Metro Cebu.
