Matod ni Arevalo nga kini maoy hinungdan nga misaka na ang death death toll ngadto sa 50, lakip na niini ang 47 ka sundawo ug 3 ka civilians nga diha sa ground sa higayon nga nahagsa ug nasunog ang eroplano.
Naangol sab ang 53 ka mga tawo, lakip sa 49 ka mga sundawo ug 4 ka civilians nga diha gihapon sa ground.
Sa mga naangol, 32 ang naa pa sa mga hospitals.
“Retrieval operations na ng parte ng eroplano. Ang mahalaga, hindi lang ako nagkaroon ng pagkakataon alamin, ay kung narecover na ang blackbox upang sa ganun ay makakuha tayo ng technical na impormasyon,” sigon ni Arevalo sa interview sa ABS-CBN.
Ang C-130 Hercules Transport Plane nga na-acquire sa AFP niadto lang Enero, giingong wa gyod makatunong sa runway atol sa landing.
“The plane missed the runway while trying to regain power,” sigon ni AFP chief Gen. Cirilito Sobejana kagahapon.
Nagpaingon na sa Sulu ang mga investigation personnel aron sutaon unsay nakaingon sa aksidente.
Ang eroplano gidumala sa 3 ka piloto ug 5 ka crew. Apan mga hanas kaayo ang mga piloto sa abyon.
“Seasoned pilots ito at experienced crew ito. Sa initial information na meron tayo, tama naman ang kaniyang bilis…Tama ang approach speed, nasa tamang spot siya lumapag sa runway,” pasabot ni Sobejana.
Human sa aksidente, “grounded” na ang mga C-130 planes sa military, matod ni Arevalo.
Ang C-130 plane nga dunay tail number 5125, mibiya sa Colonel Jesus Villamor Air Base paingon ngadto sa Lumbia Airport sa Cagayan de Oro aron pasakyon ang dul-an 100 ka mga sundawo nga bag-ohay lang mitapos sa basic military training ug dad-on sa Jolo isip sakop sa Joint Task Force Jolo nga maoy makigbatok sa mga terorista.
“Sila po ay nakatakdang magsilibi sa ilalim ng 11th Infantry Division na nakadeploy sa Sulu, magiging augmentation sana sila ng puwersa,” dugang Arevalo.
