Matod ni Cebu City Police Office (CCPO) officer in charge Col. Josefino Ligan nga ang maong mga tawo nadakpan sukad kagahapon Augusto 16 sa unang adlaw sa pagpatuman sa Cebu City Ordinance 2566 hangtod karong adlawa.
Basi sa record sa CCPO, 27 ang mga nadakpan kagahapon tungod sa paglapas sa minimum health standard ubos sa City ordinance 2566 samtang karong adlawa adunay 23 ka mga tawo ang nasikop nga nilapas sa community quarantine protocols.
Sigon ni Ligan nga kasagaran sa mga nadakpan pulos nakalapas sa quarantine protocols diin daghan nila mga walay quarantine pass nga nigawas sa mga panimalay. Adunay uban nga walay face mask ug ubay-ubay ang wala nipatuman sa social distancing.
Kahinumdoman nga gipasar sa konseho ang ordinansa nga magpahamtang og bug-at nga silot sa mga violators samtang anaa pa sa community quarantine ang dakbayan sa Sugbo
Base sa ordinansa ang first time offenders posible kining mamulta ngadto sa P1,500 ug prisohon ubos sa 30 ka adlaw.
Samtang ang second offender adunay multa nga P3,000 ug mapriso sa 30 ka adlaw samtang ang ikatulo nga higayon sa paglapas sa quarantine protocols adunay multa nga P5,000 ug pagkapriso sa 30 ka adlaw.
Karon adlawa gipasakaan nag kaso ang 50 ka mga violators, dugang ni Ligan.
