Sigon sa report sa Coast Guard District Central Visayas, natikyaob ang ilang motorbanca taliwa sa kadagatan sa Danao ug Camotes mga ala una kagahapon sa hapon (Aug. 30) tungod sa dagkong bawod.
Ang mga naluwas mao sila si Kim estrera, 21; Eugen Estrera, 39; Roldan Alcantara, 29; ug
Alan Binsig , 49; polos taga Dakbayan sa Mandaue.
Ang Coast Guard Central Visayas mipada dayon sa ilang mga rescue boats aron subayon ang mga mananagat human nila madawat ang report 1:20 kagahapon sa hapon.
“Around 9:30 pm same date, CGS CAMOTES rcvd info from one of the relatives of the missing person that the distressed mbca is currently tied on a PAYAO, an anchored floating structure for fishing, at unidentified area near Camotes,”sigon sa Coast Guard.
Apan wa dayon matultuli ang nahimutangan sa mga mananagat ug gisuspenso ang search and rescue operation alas 2 kaganihang kaadlawon tungod sa kabawuron sa dagat ug gipadayon kini alas 7 sa buntag.
Ang mananagat nga si Binsig nakaabot na sab sa baybayon sa Brgy Himensulan, San Francisco human nga iya kining gilangoy sulod sa 2 ka oras aron makapangayo og tabang.
Pinaagi ni Binsig, natultolan ang 3 niya ka kauban.
“Thereafter, MCS 3005 and CGS Camotes Qrt onboard AB 094 and PCG MBCA Consuelo scoured the mentioned area and at 10:31 A.M, the team was able to sight the distressed persons floating and successfully rescued them at vicinity 1 NM off BRGY santiago , San Francisco,”sigon sa report ss Coast Guard.
Ang 4 naa ra sa maayong kondisyon ug tua sa ilang mga paryente sa San Francisco.
“All of the rescued persons are now safe and in good physical condition.”
(Photo courtesy of Coast Guard District Central Visayas)
