MALIPAYON kaayong nakauli sa Bohol ang 267 ka mga locally stranded individuals o LSI human sila ma-stranded og pipila ka buwan sa Manila tungod sa COVID-19 pandemic.
Ang Philippine Coast Guard maoy mitabang aron makauli ang mga LSI pinaagi sa tulo nila ka barko ubos sa “Hatid Tulong Program” sa nasodnong kagamhanan.
Ang maong mga barko mao ang BRP Gabriela Silang (OPV 8301), BRP Malapascua (MRRV 4403) ug BRP Cabra ( MRRV 4409).
Sa wa pa sila mosakay sa barko, gipaubos na sila sa Rapid Test ug Health Protocols ingon man, ilang gituman ang mga Travel documents.
Ang BRP Malapascua (MRRV-4403) naabot alas 7:00 am July 28, 2020 sa Tagbilaran City port karga ang 24 ka LSIs.
Ang BRP Gabriela Silang (OPV-8301) nga may 218 LSIs ug ang BRP CABRA (MRRV 4409) may 25 LSI nangabot sa Tagbilaran port pasado alas 3 sa hapon.
(Photo: Iya sa Coast Guard Central Visayas)
