Gani, nagpunsisok dayon kagabii ang gibanabanang 200 ka pamilya nga apiktado sa kalamidad kagahapon sa hapon.
Sigon sa Cebu Caritas Inc., ang St. James the Apostle Parish sa Sogod maoy kasamtang gipuy-an sa mga biktima nga nabahaan ang kabalayan.
“Matod sa parochial vicar, Rev. Fr. Jason Facunla, sa pagkakaron, adunay dul-an 200 ka pamilya ang anaa karon sulod sa parokya. Andam usab sila nga mudawat sa mga buot mohatag og tabang o donasyon sa mga biktima sa maong kalamidad, sigon sa Facebook page sa Cebu Caritas Inc.
Si Cebu Governor Gwendolyn Garcia nibisita sab karong adlawa sa Sogod aron pagtunol sa hinabang ug pagsusi sa kadaut.
Samtang ang iyang katabang, gubernatorial aspirant ug kanhi Tourism secretary Joseph Ace Durano nipahibawo sab nga duna silay relief operation uban sa iyang igsuon, kanhi Kongresista Red Durano.
📷: Rev. Fr. Jason Facunla
