2 ka tawo nasakpan nga mosulod unta sa Camotes gikan sa Baybay

NASAKPAN sa Philippine Coast Guard (PCG) sa Camotes Island ang usa ka motorbanca nga mipayuhot pagsulod sa isla gikan sa Baybay City, Leyte kagahapon.

Matod ni LT. Junior Grade Erick Salcedo, public information officer sa PCG Central Visayas, nga paingon nang monaug ang 2 ka pasahero gikan sa motorbanca didto sa San Francisco, Camotes island dihang nasigpatan ug gisita sa mga PCG Camotes personnel pasado alas 4 kagahapon sa hapon (March 20).

“The Coast Guard District Central Visayas thru Coast Guard Station Camotes, was able to intercept a motorbanca carrying two passengers from Baybay, Leyte bound for Camotes last March 20 2020, 4:50 in the afternoon,”sigon ni Salcedo.

Kalapasan ang pagdunggo sa maong mga pasahero basi sa executive order ni Cebu Governor Gwendolyn Garcia nga nag-ban sa pag-abot sa tanang pasahero nga gikan sa ubang lalawigan diha sa tanang dapit o pantalan sa Sugbo.

Nunot kini sa lakang nga mapugngan ang pagkatap sa COVID 19.

“The two passengers were sent back to Leyte while the subject motorbanca was detained and operator was penalized for the violations committed,”dugang ni Salcedo.

Matod ni Salcedo may laing pumpboat nga maoy gipasakyan pabalik sa Leyte.

(Photos gikan ni LTJG ERICK SALCEDO PCG
PIO, PCG Central Visayas)