Sa mga 20 kilometers sa 24-kilometer run, nahitabo ang pagluhod ni Mikel Hermosada ug mitunol sa singsing ngadto sa iyang uyab nga si Jesanine Bandang diha taliwa sa Cebu Cordova Link Expressway (CCLEX).
Ang manag-uyab mihunong sa tunga sa CCLEX kay magpakuha ra unta og hulagway sa photographer nga si John Velez.
Ang CCLEX kabahinsa rota sa Cebu Marathon.
Ang eksena nakuha sa video pinaagi sa runner nga si Clinton Cabañero, amigo ni Mikel.
Si Mikel miawhag ni Jesanine nga moatubang sa dagat ug sa kalit lang, miluhod si Mikel ug gikuha ang gamay nga box nga gisudlan sa engagement ring.
“Oh wow, sana all!” syagit sa runner.
Ang nasurprisa nga si Jesanine milingi ug nakita si Mikel nga nagluhod ug nagkupot na sa singsing ug mihimo sa proposal.
Way langan nga gitubag niya kini sa tam-is nga YES ug gipakpakan sila sa ubang runners.
Naggaksanay ug naghawok ang duha sa wa pa motiwas sa pagdagan.
Si Jesanine napailaila ni Mikel pinaagi sa usa ka higala niadtong March 2020. Nagkauyab sila sa Hulyo sa susama nga tuig.
Ang 27-anyos nga si Mikel maoy nagdumala sa admin ug finance sa accounting firm sa ilang pamilya, ang Hermosada & Co. Samtang si Jesanine, 30, miresign karong bag-o sa usa ka BPO company.
Ang amigo ni Mikel nga si Clinton maoy mitabang pagpahiluna sa proposal ni Mikel.
Bisan si Clinton usa ka fast runner, mipahinay sab sa pagdagan aron masundan niya iyang amigo ug aron di laspag tan-awon inig himo sa proposal diin siya maoy nag-video.
Su Clinton sab ang nagdala sa box nga may singsing.
Wa pa’y pets kanus-a sila magpakasal sanglit i-enjoy una nila ang ilang engagement.
Matod ni Mikel nga iyang giplano ang proposal sa CCLEX aron mapahinumdoman sila da ilang relasyon matag agi or kon makita nila ang taytayan.
📷 PHOTO BY: JOHN VELEZ
