2 ka mananagat naluwas sa mga sakop sa NAVY

NALUWAS sa mga sakop sa Naval Forces Central (HNFC), Lapu-Lapu City ang duha ka mananagat nga naglutaw sa dagat duol sa natikyaob nga banca sa Mactan channel niadtong Martes sa hapon, Oktubre 12.

Ang duha giila nga sila si Ronnie Catubay, 52 anyos ug Nelson Benta-en, 52 anyos, polos minyo ug nagpuyo sa Brgy. Looc, Lapu-Lapu City.

Giatiman dayon sila sa mga sakop sa Navy ug gihatagan og pagkaon ingon man sapot aron makailis.

Sigon sa report sa Navforcen, nga ang mga personnel sa BRP Abraham Campo (PC396) ug BRP Fort San Felipe (AGS 700) maoy nakabantay sa 2 ka mananagat samtang naka-angkorahi sa ilang pantalan.

“Immediately, Duty personnel on Watch of PC396 threw a life ring with rope to the fishermen. PC396’s crew assisted and pulled one of the fishermen from the water.The other fisherman drifted towards BRP Fort San Felipe (AGS-700) and was rescued by their personnel,” sigon sa report sa Navforcen.

Samtang wa kita maigo sa bagyong Maring, apan dagko ang bawod sa kadagatan sa Central Visayas sa maong higayon tungod kay mikusog ang habagat.

Photo: courtesy of Naval Forces Central