MILYONARYO na ang wa ilha nga lotto bettor human makadaug og kapin P339-milyones nga jackpot prize sa Ultra lotto 6/58 draw niadtong Dominggo (September 6, 2020).
Ang Philippine Charity Sweepstakes Office (PCSO) miingon nga ang bettor gikan sa Quezon City nakapalit sa ticket nga may winning combination18-19-28-09-01-11.
Iyang nadaug ang total jackpot prize P339,217,037.60.
Dunay 57 pa ka tawo nga nakatag-an sa 5 sa 6 ka winning numbers ug nakadaug og P120,000 matag usa, matod sa PCSO.
Samtang laing lotto bettor nakadaug sab sa P24 million Mega Lotto 6/45 jackpot atol sa September 7 draw (Lunes) human nakatag-an sa hustong winning combination 37-07-34-17-05-27.
Dunay 41 pa ka tawo nga nakatag-an sa 5 sa 6 ka winning numbers ug nakadawat og P32,000 matag usa.
Niadto lang Agusto mibalik ang mga duwa sa lotto human ang daghang bahin sa nasod gipaubos sa general community quarantine (GCQ) ug modified GCQ.
