Si Nagiel Bañacia kinsa maoy pangulo sa Lapu-Lapu City Disaster Risk Reduction Management Office, miingon nga naluwas ang lain nilang classmate.
“Ang duha naligo sa lawa kuyog pa sa laing babayeng classmate human sa ilang periodical test ganinang udto. Ang laing classmate nga naluwas maoy nangayo ug tabang sa mga tawo human na-unlod ang duha niya ka mga classmates,”sigon ni Bañacia.
Matod ni Bañacia nga naugkat sa mga sakop sa Basak Rescue ug Lapulapu City Rescue Wasar Team ang patayng lawas sa mga tinun-an nga nabitik ang mga tiil sa pukot didto sa ilawum sa lawa nga dunay kaladmon nga 2 metros.
Ang nagtinabangay sa Rescue operation mao ang mga personnel sa Basak Rescue, Lapulapu City Rescue Wasar Team, Philippine Coast Guard-SOG, Philippine Red Cross, Cordova DRRMO Wasar team, ug Lapulapu City Police Office.
Si Lapu-Lapu Mayor Junard Ahong Chan mimando sa City Social Welfare and Development Office sa paghatag og ayuda sa mga pamilya sa biktima.
Photos 📷 courtesy of Nagiel Bañacia
