DUHA ka babaye apil sa igsuon sa usa ka big-time drug pusher nadakpan sa buybust operation sa kapolisan sa sitio Alang-alang, barangay Bogo, Argao Cebu alas 11 am karong adlawa, Mayo 24.
Ang nadakpan mao si Joan Camotes Rentoma ug cohort nga si Helen Zozombrado Ello.
Ang target sa operasyon mao si Rentoma kinsa gi-classify nga high value individual sa regional level. Igsuon siya sa usa ka alleged big-time drugpusher nga si Jay Camotes kinsa giingong nakagawas na sa bilanggoan.
Si Rentoma, lumad gyod nga taga Carcar City apan mibalhin og puyo pinaagi sa pagpangabang sa sitio Alang-alang, Bogo, Argao.
Sigon ni P/Lt Michael Sevilla sa Provincial Intelligence Unit- Drugs Enforcement Unit (PIU- PDEU), nakuhang ebidensya ang P3,500 buybust money ug 8 ka medium size nga mga putos sa shabu.
📷 PIU-PDEU
