USA ka 18-anyos nga babaye ang gisikop sa kapulisan human nakuhaan og mga binulto nga putos sa gidudahang shabu.
Giila ang gikatahong durugista mga si Alessandra Madrigal, kinsa nadakpan atol sa buy bust operation nga gipahigayon sa Cebu City Police Office o CCPO sa Sitio Riverside, Barangay Duljo Fatima, Dakbayan sa Sugbo pasado alas 12:00 kaganinang kaadlawon.
Matod sa kapulisan nga giisip nila nga usa ka high value invidual o HVI si Madrigal basi sa ilang intelligence gathering.
Nakuha gikan kang Madrigal ang 795 grams sa gidudahang shabu nga nagkantidad og di momenos P5.4-million.
Nagtingkagol karon si Madrigal sa CCPO samtang gipaabot nga pasakaan siya’g kaso sa Lunes.
