Ang 47th Infantry Battalion sa Philippine Army sa Bohol niila sa babaye nga si Edionela Nuera alias Mia,18, taga Trinidad, Bohol.
“Wa mi magdahom nga niapil siya anang gropoha,”sigon sa usa sa mga ig-agaw ni Nuera nga mihangyo nga dili lang ilhon sa balita.
Si Nuera taga sitio Titipa, barangay San Vicente, Trinidad. Ang iyang haya naa karon sa Hinlayagan (laing barangay sa Trinidad) sa balay sa iyaan.
Kon nganong misulod siya sa kalihukan sa NPA, dili pa makasulti ang militar.
Si 1LT Elma Grace Remonde-Abulencia, ang spokesperson sa 47th IB, miingon nga sa 18 anyos nga pangidaron, angayan unta nga nagtungha pa kini si Nuera sa senior high.
Matod ni Abulencia, ila pang susihon ang background ni Nuera.
Ang tanang lima ka giingong rebelde nailhan na ug gi-claim na ilang patayng lawas.
“The families have already claimed the remains of the CTG members who were killed during the encounter in Barangay Cabacnitan, Bilar on Tuesday, May 25, 2021 between the 47IB and the New People’s Army,”sigon sa statement ni Abulencia.
Ang ubang nakalas mao sila si Joseph Bautista alias Bryan, 33, taga Inabanga; Romeo Nabas alias Marlon, 54, taga Batuan; Marvin Terig alias Chris, 22, taga Danao; ug Junrey Bucar alias Justin, 20, taga Bilar.
Si Abulencia niawhag sa ubang mga rebelde nga motahan.
“There are numerous communist terrorist group members who lost their precious lives and their families mourned for their loss. We hope that those remaining members who are still hiding should think that no matter how much they put in the effort to serve their terrorist organization there will still a chance that they will be abandoned by their group especially at a time like this,”dugang ni Abulencia.
