Sigon sa Department of Migrant Workers, ang mga seafarers nahidangat sa Ninoy Aquino International Airport Terminal 1 via Oman Air Flight No. 843 alas 9:31 p.m. kagabii, Huwebes.
“I just want to confirm that they have arrived safe and sound. Napakabilis na naturnover sa atin,” matod ni Department of Foreign Affairs Undersecretary Eduardo De Vega.
Gisugat ang mga seafarers sa ilang pamilya, ug nila ni Migrant Workers Secretary Hans Leo Cacdac, Foreign Affairs Secretary Enrique Manalo, Transportation Secretary Jaime Bautista, ug ubang mga government officials.
Sigon ni Cacdac, ang mga crew members ipaubos sa lainlaing health tests pagsiguro nga naa sila sa maayong panglawas.
“When the ceasefire happened in Gaza, immediately they talked to the Houthis, send the plane to collect our seafarers, and bring them to Muscat, and from Muscat nag-takeover ‘yung ating embassy. They had medical check-ups, review of their documents, and immediately we book them for this flight,” matod ni Philippine Ambassador to Oman, Raul Hernandez.
Ang Overseas Workers Welfare Administration mohatag sa mga seafarers og financial aid, counseling ug stress debriefing.
Sigon ni OWWA Administrator Arnell Ignacio, ang OWWA momonitor sa mga seafarers atol sa ilang recovery period ug kon andam na sila nga motrabaho og balik, mahimong mo-avail sila sa lainlaing mga programa nga gitanyag sa OWWA.
Ang mga Filipino seafarers gibihag sa mga Houthis nga mi-hijack sa Israeli-owned MV Galaxy Leader didto sa Red Sea niadtong November 2023. Milanat og 428 ka adlaw ang ilang pagkabihag.
Sulod hinoon sa maong gidugayon, wala sila makatilaw ug physical abuses ug gitugtan sila nga maka-communicate sa ilang pamilya pinaagi sa video call.