MIABOT sa 15 ka pamilya ang nawad-an og mga panimay sa sunog nga miigo sayo karong buntag (April 27, 2021) sa sitio Bukid-bukid, Pajac, Lapu-Lapu City.
Sigon ni Nagiel Baรฑacia, ang pangulo sa Lapu-Lapu City Disaster Risk Reduction and Management Office, nga 3 gyod ka balay ang hingpit nga naugdaw ug 2 ang partially-damaged.
Gisusi pa sa kabomberohan ang hinungdan sa maong sunog. Wa hinoo’y gikataho nga naangol.
Matod ni Baรฑacia nga ang mga fire victims gihatagan dayon og pagkaon pinaagi sa Lapu-Lapu City Social Welfare Office.
Basi sa pasiunang lista, dunay 15 ka pamilya o 63 ka tawo ang naapiktuhan sa maong sunog, dugang ni Baรฑacia.
Nahitabo ang sunog samtang linga sab ang mga Opanganon tungod sa kasaulogan sa ika-500 nga sumad sa Kadaugan sa Mactan karong adlawa.
(Photo: Courtesy of Nagiel Baรฑacia)
