Matod ni Senior Fire Officer 2 Wendell Villanueva, ang tigpamaba sa Cebu City Fire, nga niabot na ngadto sa 12 ka mga bombero ang nagpositibo sa coronavirus.
Hinoon, tulo na ang naka-recover sa COVID-19 samtang ang siyam ka bombero padayon pa nga gibutang sa isolation.
Tulo usab ka fire substations ang gipaubos sa lockdown human ang ilang mga personnel nakakuha sa maong virus.
Bisan paman nga aduna na’y mga nataptan nga bombero sa virus ug na-lockdown nga substations, sigon ni Villanueva nga manageable ra ang sitwasyon ug nakahimo na sila sa gikinahanglan nga interventions sama sa pag-isolate gilayon sa mga nataptan nga personnel.
Naniguro usab ni Villanueva nga maka-responde gihapon ang mga fire stations sa Dakbayan sa Sugbo sa mga alarma sa sunog bisan pa man nga may mga gipang-lockdown ug dili kini kakuwang sa habig sa Cebu CIty fire department.
DUgang ni Villanueva nga aduna pa’y unom ka fire substations savDakbayan sa Sugbo nga makaresponde ug dili kini angay ikabalaka sa publiko.
Lakip sa fire sub stations, sigon ni Villanueva nga active usab ang mga fire brigade sa pipila ka barangay sa Cebu CIty.
( File photo: Gikan sa fb page sa Cebu City Fire Station)
